قهرمانی هاواسی، اخویور آشیق محبوب خلیلی

موقددس وطنیم آنا تورپاغیم،
ائولادین بختیار گؤرسم اؤلمرم
الیم ایله اکدیگیم باغین باغچانین،
سولماز گوللرینی درسم اؤلمرم!

یاشینی سیلمه سم آلا گؤزلرین؛
خزانسیز سارالان لاله اوزلرین؛
یار یولو گؤزله ین گلین قیزلارین؛
پریشان ساچلارینی هؤرسم اؤلمرم!

گئجه لریم صوبح اوزونه سؤکولسه؛
چشمیم یاشی واراقلارا تؤکولسه؛
جاوانلیغیم گئتسه بئلیم بوکولسه؛
وطن صفاسینی سورسم اؤلمرم!

قانلی گونلر ایله گلسه اوزو-اوزه؛
باش اییب اغیارا چؤکمدم دیزه؛
بو سئلی کدرلی، دردلی تبریزه؛
حوسئیینم بورجومو وئرسم اؤلمرم!
حوسئین