سنسیز نه ذؤوقو وار باغین، باهارین...
476 بازدید
476 بازدید
گونلریم اؤتوشور بیر اویقو کیمی،
دره دن دره یه آخان سو کیمی.
دیلبریم هرجایی بیر آهو کیمی
هیجران داغلارینی آشارمی، سؤیله؟
سنسیز نه ذؤوقو وار باغین، باهارین،
آچان چیچکلرین، اوچان قوشلارین؟
سنسیز جنّت اولسا کاینات یارین،
هئچ منیم روحومو اوخشارمی، سؤیله؟
سنینله باغلاییب من عهدی-پئیمان،
دئدیم، قیسمتیمیز اولماسین هیجران.
موشفیق قوش اولسا دا گؤره سن بیر آن
سندن اوزاقلارا اوچارمی، سؤیله؟
اولین نفری باشید که برای این ویدیو دیدگاه ارسال میکنید
